Циколай нæуæг анзмæ рæсугъд кæнунцæ гъæунгтæ æма хæдзæрттæ

Цæгат Ирыстоны алы районы дæр цæттæ кæнынц Ног азмæ. Хъæутæ æмæ горæтты уынгтæ, адæмы хæдзæрттæ цæхæртæ калынц ирд ахорæнтæй. Бæрæгбоны агъоммæ байгом сты армукъатæ. Сæ продукци дзы уæй кæнынц куыд бынæттон цæрджытæ, афтæ сыхаг районты минæвæрттæ дæр. Нæ уацхæссæг Хуасдзауты Алинæ абалц кодта Æрæфы районмæ. Федта, Цыколайы куыд цæттæ кæнынц бæрæгбонмæ, уый. Йæ зæрдæмæ фæцыд. Гъæуи центри ниввардтонцæ Нæуæг анзи сæйраг бæрæггæнæн- заз бæласæ. Нæуæг анзи къæсæри ами гъæуи цæргутæн исаразунцæ игъæлдзæг программæ. Цæстæ рæвдауй культури хæдзари алфамблай дæр. Ци заз бæлæстæ си ирæзуй, уони барæсугъд кодтонцæ. Æртæ боней дæргъи гъæуи архайунцæ бæрæгбонмæ али къум дæр исрæсугъд кæнунбæл. Зумæгон дæр хонхмæ берæ туристтæ ке цæуй, уомæ гæсгæ аци анз Сталини гъæунгмæ дæр базилдæнцæ. Нæуæг анзмæ сæхе цæттæ кæнунцæ Циколай цæргутæ дæр. Дуккаг хатт райони аразунцæ конкурс. Йæ хæдзарæ бæрæгбонмæ ка хуæздæр исараздзæнæй, зæгъгæ. Хути Алан фарæ дæр архайдта конкурси. Гъæуи цæргути уæд деси бафтудта. Аци анз дæр йæ хæдзари раз раст аргъауи хузæн иссæй. Хонхæй æрласта устур дор. Йæ хурфи ба ин ниццавта заз бæласæ. Йæ аливарс ба йин сæвæрдта сирдтæ картонæй. Гал æма сагтæ. 27 декабри къамис исбæрæг кæндзæй уæлахездзаути. Фиццаг, дуккаг æма æртиккаг бунæттæн исаккаг кæндзæнæнцæ æхцай премитæ. Гъæуи али бон дæр косунцæ бæрæгбони базартæ. Анзæй-анзмæ Чикола бæрæгбонмæ хæстæгдæр рæсугъддæр ке кæнуй, уой бунæттон цæргутæ дæр зæгъунцæ. 27 декабри ма Циколай центри сараздзæнæнцæ концерт культури бунæттон хæдзари косгутæ. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv