Домæнтæн дзуапп нæ дæттынц

1-æм июлæй фæстæмæ æххæстгонд цæуынц хъазæн фæзтæ аразыны ног домæнтæ. Уыдонмæ гæсгæ хистæртæ, æнæмæнг, хъуамæ уыной, сывæллæттæ цы кусынц, уый. Зæгъæм, херытæ æмæ æндæр хиирхæфсæнтæ хъуамæ конд уой, тагъд чи не ссудзы, стæй маргхъæстæ чи нæу, ахæм æрмæджытæй. Уыдон сты домæнты сæйрагдæртæ. Хъыгагæн, нæ республикæйы нымады никæмæ сты. Хъазæн фæзты уавæр сбæрæг кæнынмæ не сфæлдыстадон къордимæ араст сты Æппæтуæрæсеон адæмон фронты минæвæрттæ дæр. Ацы сывæллæтты хъазæн фæзы кæддæриддæр тынг хъæлдзæг вæййы, æппынæдзух дзаг вæййы сабиты худт æмæ цины уынæрæй. Ам бирæуæладзыгон хæдзæрттæ бирæ ис. Уæдæ дзы сывæллæттæ та мæлдзгуыты губаччы цæргойтæй фылдæр сты. Уымæ гæсгæ дзы сабитæн радих кодтой кæм хъазой, ахæм бынат. Сывæллæтты цинæн кæрон нал Херытæ дзы фаг кæй нæй, ууыл дæр сæ зæрдæ афтæ тынг нæ риссы. Сæйраг у ацы хъазæн фæз æдасдзинады домæнтæн дзуаппп кæй нæ дæтты,уый. Уый та уымæн æмæ фæзы сæрмæ ауагътой электрон тыхы телтæ. Херытæ згæйы бын фесты, кæддæр исты ахорæнтæй ахуырст уыдысты, уый дæр зын зæгъæн у. Мах цы федтам? зæгъæм бадæнтæ сты цыргъ, сывæллон куы ахауа, уæд йæхи ныппырх кæндзæн. Алырдыгæй ныппырх кодтой хуыр, сывæллон куы ахауа, уæд цы цæфтæ райсдзæн æмæ цавæр фæстиуджытæм расайдзæн, уый ничи зоны. Херыты хæрзхъæддзинад дæр гуырысхойаг у. 1 июлæй æхæст кæнын райдыдтой ног домæнтæ. Ныр домæнтæ æхææстгонд куы цæуой, уæд сывæллæтты хъазæн фæзты æппындæр уды дзæбæхæн хъазынæн тас ницæмæй уал уыдзæн. Херытæ æмæ æндæр ирхæфсæн мадзæлттæ арæзт уыдзысты тагъд чи не ссудзы, стæй маргджын чи нæу, ахæм æрмæджытæй. Уæдæ дзы къæвдаты фæстæ дон дæр не`мбырд кæндзæн. Фæлæ уал ныртæккæ цы фæз уынæм, уый уыцы домæнтæн дзуапп нæ дæтты.... Хъыгагæн, ахæм уавæры æрмæст ацы хъазæн фæз нæу. Ис ма ахæмтæ дæр æмæ дзы сывæллæттæ змисимæ кæм хъазой, ахæм ран кæд ис, уæддæр быронæй нал зыны. Йæ алывæрстæ æмбырд.Уавæр хорз нæ кæсы Æппæтуæрæсеон адæмон фронты минæвæрттæм дæр.Уымæ гæсгæ бавдæлдысты æмæ сывæллæтты бартæ хъахъхъæнæг æххæстбарджын минæваримæ бæрæг кæнынц сывæллæтты хъазæн фæзтæ. Фæнды сæ санитарон домæнтæ куыд æххæстгонд цæуынц, уый сбæрæг кæнын. Куыд зæгъынц афтæмæй,фæзты алывæрсты гæрæнтæ дæр нæй. Уæрæсейы президенты цур æххæстбарджын минæвар Анна Кузнецовæйы хъæппæрисæй æппæт Уæрæсейы дæр арæзт цæуынц басгæрстытæ. Кæнынц сæ Æппæтуæрæсеон адæмон фронты фæсивæды минæвæрттæ, фæсидтыстæм æхсæнадон организацитæм дæр.Х ъуамæ сбæлвырд кæнæм хъазæн фæзтæ домæнтæн дзуапп дæттын,æви нæ, цæуынн, стæй дзы цавæр хъæндзинæдтæ ис, уыдон. Сæрмагонд фыстæджытæ æрвитдзыстæм районты администрацитæм æмæ æндæр цæстдарæг оргæнтæм, цæмæй фæзтæм базилой æмæ сæ банывыл кæной, уый тыххæй. Нæ горæты администрацийæн дæр уавæр æнæзонгæ нæу. Дзæуджыхъæуы ис 170 хъазæн фæзы, уыдонæй 45 сты бындурон цалцæджы управленийы бæрны. Уымæн та йе хца ныкъкъуыввитт сты æмæ нымад сты банкротыл. Хъазæн фæзты иннæ хай та арæзт æрцыд спонсорты æххуысæй. Хатдзæг та у ахæм - домæнтæн дзуапп чи дæтты, ахæм фæзтæ нæм нæй. Хъазæн фæзтæ саив кæнын бабар кодтой разамынддæттæг компанитæн