Специалисттæ федтой сывæллæтты фæлладуадзæн лагерьты æдасдзинады уавæр
Уæрæсейы æнæнхъæлæджы уавæрты Цæгат Ирыстоны управленийы специалисттæ бабæрæг кодтой нæ республикæйы сывæллæтты фæлладуадзæн лагерьтæ. Сæ фыццаградон хæстæй иу у, цæмæй объекттæ дзуапп дæттой æдасдзинады æппæт домæнтæн. Цæстдарæн рейдтæ ныридæгæн райдыдтой. Сывæллæтты фæлладуадзæн лагертæ хъуамæ ифтонг уой зынгсирвæзтыты ныхмæ тохгæнæн фæрæзтæй. Æнæнхъæлæджы цауты министрады ирвæзынгæнджытæ сарæзтой лагерьты кусджытæн хъæугæ инструктаж. Специалисттæ бæрæг кæнынц эвакуацион рацæуæнтæ. Лагеры кусджытæ кæдфæндыдæр хъуамæ цæттæ уой зынгсирвæзтыты рæстæг раст архайынмæ. Уымæ гæсгæ сын скæнынц практикон ахуыртæ. Цмийы сывæллæтты дзæбæхгæнæн лагерь «Звёздочка» цæттæ кæны 80 сабийы суазæг кæнынмæ. Фыццаг фæлтæрмæ æнхъæлмæ кæсынц июны. Лагеры разамынды ныхæстæм гæсгæ бæстыхай сæрдмæ у цæттæ. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv
