Цæгат Ирыстоны электрон хызæгтæ йæхимæ райсдзæн компани «Россети Цæгат Кавказ»

Цæгат Ирыстоны электрон хызæгтæ 1-æм апрелæй йæхимæ райсдзæн компани «Россети Цæгат Кавказ». Раздæр уыцы куыст арæзта йæ дæлбар филиал «Цæгаткавказэнерго». Ахæм бадзырд фадат ратдзæн Цæгат Ирыстоны егъау проекттæ цардмæ рауадзынæн. Къухы бафтдзæн фæхуыздæр кæнын электрон тыхæй æфсадыны фарста, æмæ нырыккон нымæцон технологитæ сфидар кæнын. Документы фылдæр æргом здæхт æрцыди, хицауад æмæ электрон тыхдæттæн куыстуæтты æмгуыстадмæ. Уый фæрцы электрон тыхы хæрзхъæддзинад фæуæлдæр уыдзæн скъолаты, рынчындæтты, поликлиникæты æмæ сывæллæтты рæвдауæндæтты. Фæлхасгæджыты дзыппыл ицы ивддзинад нæ фæзындзæн. Электрон тыхы нымайæнты бæрæггæнæнтæ дарддæр дæр ист цæудзысты лæвар. Юридикон бæрнондзинад чи хæссы, уыдоны та 1-æм апрелы фæстæ ног компаниимæ хъæудзæн сæрмагонд бадзырд бафыссын. Электрон тыхы хæстæ баххæст кæныны фарста у ахсджиаг. Уымæй размæ ацы уавæрмæ æмбæлгæ цæстдард нæ уыд. Ныртæккæ Цæгат ирыстоны «Цæгаткавкаэнерго»-йæ хæс дарынц 3,7 млрд сомы. Уыимæ ма ацы аз хъуамæ баиу кæной Дзæуджыхъæуы хызæгты куыстуæттæ дæр. Уый тыххæй раздæр баныхас кодтой нæ республикæйы сæргълæууæг Битарты Вячеславимæ. Зæгъын хъæуы уый, æмæ «Россети Цæгат Кавказ» ныртæккæ электрон тыхæй ифтонг кæны Цæгат Кавказы æппæт регионтæ дæр. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv