Зонындзинæдтæ зынаргъ?
Иумæйаг ахуырадон уроччытæ скъолаты, гæнæн ис æмæ лæвар мауал уой. Ахæм информаци ацы мæй апарахат социалон хызæгты. Уайтагъд адæмы сæнкъуысын кодта æмæ дзырдттаг сси. Уæлдайдæр та ныййарджыты `хсæн. Æрмæст Цæгат Ирыстоны нæ, фæлæ ма æндæр регионты дæр. Куыд у æцæгæйдæр хъуыддаг? Ис дзы тыхсинаг фарстатæ, æви нæ? Æмæ ныридæгæн цæй тыххæй фидынц скъолаты? Хæбæлаты Данæ ахуыр кæны 10-æм къласы. Фарон цыд уæлæмхасæн уроччытæм англисаг æвзагæй. Фыста сын æхца. Паддзахадон фæлварæнмæ цæттæ кодта. Йæхæдæг куыд зæгъы, афтæмæй фæскъласон уроччытæ уыдысты пайда æмæ цымыдисаг. «Мæнæн уæлæмхасæн ахуыртæ тынг феххуыс сты. Урочыты фæстæ иу æвæстиатæй райдыдтам æмæ нæ иу цæуын дæр никуыдæм бахъуыд. Фæлварæнæй райстой 4, фæлæ мæ 5; райсынмæ бирæ балтæ нал хъуыд», — Дзæуджыхъæуы 7-æм скъолайы ахуырдзау Хæбæлаты Данæ . Хæбæлаты Данæ иунæг нæу, уæлæмхасæн уроччытæ чи равзæрста. Скъолайы кæд англисаг авзагмæ фылдæр æргом раздахтой, уæддæр ма уæлæмхасæн уроччытæ чи равзæрста уыдоны нымæц у 29 скъоладзауы. Сæ ныхæстæм гæсгæ, фидæны дæсныйад сæ фæнды сбæттын англисаг æвзагимæ. Ахуыр кæнынц раст дзурын æмæ æнæрæдыдтæй фыссын. Уæлæмхасæн уроччыты аргъ у 50 сæмæй 150 онг. Практикæйы хуызы ахæм лæггæттæ фæлварынц Дзæуджыхъæуы 3 скъолайы. Сæрмагонд репетитор та кæны 300 сомæй фылдæр. Ахуыргæнджыты ныхæстæм гæсгæ, уроччыттæ сты пайда. «Фæлварæнæн ис йæхи спецификæ. Ахуыры чиныджы æдзух æппæт хъæугæ æрмæг нæ вæййы. Уымæ гæсгæ, фæлварæнмæ æркæсæн ис сфæлдыстадон куысты хуызæн. Уæлæмхасæн урочытæ пайда сты ахуырдзаутæн, фæлварæнмæ хуыздæр бацæттæ кæнынæн», — Дзæуджыхæуы 7-æм скъолайы англисаг æвзаджы ахуыргæнæг Хъаирты Ольгæ. Æрæджы социалон хуызæгтæй пайдагæнджытæ ныхас кодтой ахуырадæн фидын кæй хъæудзæн уыцы фарстайыл. Бæлвырддæр та скъолайы кæцыдæр предметтæ ахуыр кæндзысты лæвар иннæтæн та хъæудзæн æхца бафидын. Фæлæ æхсæнадон палатæйы куыд бафиппайдтой афтæмæй ныхас æрмæст уæлæмхасæн уроччытыл цæуы. «Цæгат Ирыстоны скъолаты ныртæккæ ничи хъавы урочытæн фиддонтæ сфидар кæнын. Уый раст хъусынгæнинаг нæу», — РЦИ-Аланийы æхсæнадон палатæйы сæрдар Нина Чиплакова. Дзæуджыхъæуы ахуырады управленийы нын куыд бамбарын кодтой афтæмæй уæлæмхасæн лæггæдтæ скъолаты фæзындзысты æрмæсддæр уæд,ныййарджытæ æмæ ахуыргæнджытæ иу хъуыдымæ куы æрцæуой уæд. Ахуыргæнæндæттæ ахæм лæггæдты æруаджы цы æхцайы фæрæзтæ æрымбырд кæной ,уыдон хардз кæндзысты скъолайы пайдайæн. Ахуыргæнджытæн мызд фидынæн. Хъæугæ кусæнгæрзтыл. Цæмæй ахæм лæггæдтæй пайда кæнын райдайой уый тыххæй скъолаты хъæуы Дзæуджыхъæуы администрацийæ бар райсын. Лæггæдты аргъ дæр сбæлвырд кæндзысты горæты администраци. Уым куыд зæгъынц афтæмæй зынаргъ нæ уыдзысты. Пелиты Сабинæ _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv
