Дзæуджыхъæуы байгом нæзы бæлæсты базартæ

Ног азы бæрæгбоны сæйраг заз бæлас йæ бынат ссардта. Ныр аив кæны горæты Сабырдзинады фæз. Ацы бонты йæ фæдыл æрбахæццæ сты Ног азы иннæ `вдисæнтæ дæр – йæ чысыл хæстæджытæ. Иуæй иннæ рæсугъддæрæй лæууынц горæты æмæ районты заз бæлæстæ базарты. Уый та ууыл дзурæг у, æмæ æппæты уарзондæр бæрæгбонмæ бирæ кæй нал баззад. Цас бæрæг дардзæн адæмы дзыппытыл сæ аргъ, уый та сбæрæг кодта не`сфæлдыстадон къорд. Ног азмæ бирæ нал баззад. Дзæуджыхъæуы байгом сты заз бæлæсты базартæ. Горæты алы районты сын снысан кодтой сæхи бынæттæ. Ног азы фидауц сластой алы рæттæй. Ныр Дзæуджыхъæуы цæрджытæ базартæм цæуынц заз бæлæстæм æркæсынмæ æмæ æргътæ базонынмæ. Алчидæр дзы йæ дзыпп куыд амоны, ахæм заз бæлас ссардзæн. Заз бæлæстæ сластой Пензæ, Сыбыр, Ульяновск æмæ æндæр горæттæй. Алы адæймаг дæр дзы равзардзæн, йæ зæрдæмæ цавæр бæлас цæуы, ахæм. Сугъараты Георгий Ног Азы бæлæстæ цалдæр азæй фылдæр уæй кæны. Бæрæгбоны фидауцы тыххæй алцыдæр зоны. Заз бæлæсты тæф адæймаджы зæрдæ æхсызгонæй агайы. Бæрæгбон цыма фæхæстæгдæр ис, адæймагмæ афтæ кæсы. Уымæ гæсгæ бирæтæ фæстиат нæ кæнынц бæлас æлхæнынмæ. Уæйгæнджытæ куыд зæгъынц, афтæмæй заз бæлас хъæуы рагагъоммæ æлхæнын. Уæд фадат вæййы æппæты рæсугъддæрыл фæхæст уæвын. Аивдæрыл нымад у ставд зæнгимæ бæлас, йæ къалиутæ хъуамæ уой хæрдмæ арæзт. Йæ хихтæ та хъуамæ ма згъæлой. Сындзытæ хъуамæ уой бæзджын æмæ цъæхцъæхид. Ног Азы бæрæгбон ма фидауы фейерверктæ æмæ петардæтæй. Ацы товар балхæнынмæ хъæуы бæстонæй бацæуын. Сæ амал кæнгæйæ хъæуы æдасдзинады домæнтæ æххæст кæнын. Сывæллæттæ сæ хъуамæ пайда кæной хистæрты цæстдардимæ. Кæд армукъатæ фæткмæ гæсгæ мæйы астæу байгом вæййынц, уæддæр адæм сцыбæл вæййынц бæрæгбонмæ хæстæгдæр. Уæйгæнджытæ ууыл ахуыр сты. Куыд зæгъынц, афтæмæй ахæм хуызы цæрджытæ Ног Азы бæрæгбоны уддзæф банкъарынмæ. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv