Дзæуджыхъæуы 4-æм гимназыл сæххæст 90 азы

Дзæуджыхъæуы 4-æм гимназыл сæххæст 90 азы. Уый кадæн абон бæрæгбон сарæзтой Ирон театры. Уыдысты дзы нæ республикæйы хицауады минæвæрттæ, скъолайы раздæры ахуырдзаутæ, æрбахуыдтой йæм уазджыты дæр. Сценæйæ хъуыстысты арфæйы ныхæстæ, скъолайы чи `рцыди, ахæм хъæлдзæг мысинæгтæ, æмæ уымæ гæсгæ изæр рауади уæлдай зæрмæдзæугæ æмæ цымыдисаг. Уыди ма дзы концерт. Ахуырад æмæ наукæйы министр Азымты Иринæ куыд радзырдта, афтæмæй ахуыргæнæджы куыст у ахсджиагдæртæн сæ иу. Кæстæрты хъомыл кæнынмæ, стæй ахуырадмæ стыр æвæрæн чи бахаста, уыдонæн радтой Кады гæххæттытæ. 4-æм скъола каст чи фæци, уыдонæй бирæтæ систы зындгонд адæймæгтæ. Кусынц цардархайды алы къабæзты. Се`хсæн сты Тугъанты Владимир, Дзанайты Барис, Куындыхаты Алыксандр, Таболты Тамарæ, Хъаныхъуаты Георгий æмæ æндæртæ. Цуциты Сослан, Дзæуджыхъæуы 4-æм гимназийы директор: "Сæрбæрзонд дæн нæ кæстæртæм кæсгæйæ. Æцæг кæстæртæ сты. Æгъдау дæр сæм ис, æфсарм дæр. Фылдæр куы уой нæ 4-æм гимназийы цы кæстæртæ ис, уæд уыдзыстæм уæлахиз.Махмæ ис тынг бирæ традицитæ. Азы размæ райстам Советон Цæдисы хъайтары ном Хъыбызты Алыксандры ном. Йæ ном цы уæлейау у, афтæ уæлейау нæ сывæллæттæ дæр куыд схизой Уæрæсейы, Ирыстоны, царды мидæг. Уый сын зæгъы мæ зæрдæ". _ Мы рядом в: vk.com/irystontv instagram.com/irystontv Telegram: t.me/irystontv youtube.com/irystontv twitter.com/irystontv