Рустамбанк 19 йиллик қамоқдан сўнг яна чувалчанг чиқармоқчи HD

Жорий йилнинг 14 февралида 19 йиллик қамоқдан озод қилинган 69 яшар Рустам Усмоновнинг 2 июн куни Озодликка билдиришича, шу куни у Ўзбекистон Республикаси Бош прокуратурасида қабул қилинди. Усмоновнинг айтишича, прокуратурадаги қабул унинг қамоқдан чиққанидан кўп ўтмай бошланган кўргиликларига чек қўйди. Ўзбекистонликларнинг катта авлоди “чувалчангчи” ва минтақадаги биринчи тижорат банкининг асосчиси сифатида яхши танийдиган Рустам Усмоновнинг ўзи ва яқинлари сўнгги ойларда унга босим ўтказилаётгани, кимлардир ундан бир неча ўн миллион доллар талаб қилаётганидан шикоят қилиб келаётган эди.