MUYNAK RALLY ЖЕҢИМПАЗЫ АНЫҚЛАНДЫ ҚАРАҚАЛПАҚСТАН РЕСПУБЛИКАСЫ ҚОҢЫРАТ КАЛАСЫ HD

#RALLY_MUYNAK#2021 Бүгин «Ралли Мойнақ – 2021» жарысы жеңимпазларын салтанатлы сыйлықлаӯ мәресими болып өтти. Онда А-8 ҳәм А-9 автомобиль классларында Қарақалпақстанлы спортшылар Ж.Муханов ҳәм Ш.Темиров (А-8 классы бойынша), И.Абдикаримов ҳәм Ш.Сапарбаев (А-9 классы бойынша) жеңимпаз болып, жарыс шөлкемлестириӯшилери тәрепинен «Нексия – 3» (4-позиция АТ) автомобиллери менен сыйлықланды. А-8 автомобиль классы бойынша 2-орынды Андижан ӯәлаятынан Т.Нарзиқулов ҳәм Қ.Нарзиқуловлар ийелеп, 15 млн.сум менен, Хорезм ӯәлаятынан М.Бегиев ҳәм М.Аташовлар 3-орынды ийелеп, 7 млн.сум менен сыйлықланды. А-9 автомобиль классы бойынша 2-орынды Жиззах ӯәлаятынан Б.Одилов ҳәм С.Муминовлар ийелеп, 15 млн.сум менен, Жиззах ӯәлаятынан Ш.Хатамов ҳәм А.Туроповлар 3-орынды ийелеп, 7 млн.сум менен сыйлықланды. Баггилер жарысында 1-орынды Жиззах ӯәлаятынан З.Одилов (15 млн.сум), 2-орынды Самарқанд ӯәлаятынан Ф.Атхамовлар (7 млн.сум) ийеледи. Мотоцикллер жарысында 1-орынды Бухара ӯәлаятынан Б.Ахмедов (15 млн.сум), 2-орынды Қарақалпақстан Республикасынан Б.Асанбаев (7 млн.сум), 3-орынды Андижан ӯәлаятынан О.Чоловлар (3 млн.сум) ийеледи. Буннан тысқары, спорт мотоциклин басқаратуғын жалғыз спортшы қыз - Хорезм ӯәлаятынан Ибадуллаева Гулрухсора, жарысты шөлкемлестириӯде белсене қатнасқан басқа да бир қатар спортшы ҳәм төрешилер шөлкемлестириӯшилер тәрепинен баҳалы саӯғалар менен сыйлықланды. ДЕРЕК NEW MUYNAK CITY ТЕЛЕГРАМ КАНАЛЫ