30 азы размæ Советон Цæдисы æфсад ракодтой Афганистанæй

30 азы размæ Советон Цæдисы æфсад ракодтой Афганистанæй. Уыцы цаутæ мысынц абон Цæгат Ирыстоны. Нæ республикæйы арæзт цæуынц алыхуызон мадзæлттæ уыцы тугкалæн хæсты чи фæмард, уыдоны нæмттæ æрымысыны тыххæй. Афганистаны хæсты ветерантæ æмбæлынц скъоладзаутимæ æмæ сын аразынц «лæгдзинады урочытæ». Бæлвырддæр ацы мадзæлтты тыххæй радзурдзысты нæуацхæсджытæ. Æмрæнхъ цыд. Къухты чи нал сæздæхт, уыдоны къамтæ. 84 адæймаджы Афганистанæй Ирыстонмæ нал ссыд. Абон кæд адæммæ цины æнкъарæнтæ ис, уæддæр зæрдæ æрынкъад вæййы чи фæмард, уыдоны мысгæйæ. Вячеслав Хворостянкий хæстмæ 20 азы дзыдæй ацыд. Йæ зæрдыл лæууы æфсæнвæндаг техникумы фæстæ æфсадмæ куыд ацыд, уый. Уый фæстæ та Афганистан. «27-æм апрелы 1983 азы бахаудтæн Къабулы 181 полкмæ. Мæхæдæг танкист дæн. Дыккаг танчыты ротæйы уыдтæн. Азæй-азмæ ардæм æрбацæуын дидинджытæ сæвæрынмæ. Тынг бæстонæй бацæттæ кæнынц ацы мадзал», - Афганы хæсты архайæг Вячеслав Хворостовский. Мысæн мадзæлттæ ахæм кадджын уавæры фыццаг хатт арæзт цæуынц. Æнæмæлгæ ротæйы рæнхъыты республикæйы скъолаты ахуырдзаутæ. Уыдон Афганы парчы онг ацыдысты. Мысæн бонмæ чи æрбацыд уыдоны хсæн республикæйы хицауады уæнгтæ, ветерантæ, Афганы хæсты архайджытæ. Советон Цæдисы æфсад Афганистанæй ракæныны 30 азы бон сбæрæг кодтой Дзæуджыхъæуы скъолаты дæр. Хæстон цауты архайджытæ æрвылаз фембæлынц сывæллæттимæ. Саразынц сын лæгдзинады уроктæ. Афтæ 22-æм скъолайы ахуырдзаутæн йæ хæстон цауты тыххæй радзырдта ветеран Олег ХАлиев. Афганы хæсты фыццаг бонæй кæронмæ архайдта. Бирæххæтыты фæцæф, бирæ æмгæртты фесæфта. Скъаладзаутæ дæр сæхи бацæттæ кодтой: хæсты тыххæй бакастысты æмдзæвгæтæ, загътой бузныг сæ лæгдзинады тыххæй. «Дыууæ къуырийы æмгъуыдмæ сарæзтам цалдæр мадзалы. Республикон æркаст «НЫВÆЦÆН», æмæ хуыздæр нывы конкурс. Ахуырад æмæ наукæйы министрад ветеранты цæдисимæ æнгомæй кусы», - РЦИ-Аланийы ахуырад æмæ наукæйы министрады уæлæмхасæн ахуырад æмæ хъомылады хайады сæйраг специалист Борис Хайманов. Ахуырад æмæ наукæйы министрады ма нын куыд фехъусын кодтой афтæмæй патритонтон хъомылад- ахсджиаг хъуыддаг у. Ссис традицион. Алы зæрдылдарæн бонмæ дæр скъоладзаутæ сæхи бæстонæй бацæттæ кæнынц. Банкъарынц хæсты цауты мидис. Ветерантæ та сын ракæнынц арфæ цæмæй хæст макуы феной. Сыгъдæг арвы бынмæ хъомыл кæной. Уазиты Зæлинæ _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv