Хæдзарон фосæн фыдмиты раканды тыххæй мæздæджы байгом кодтой уголовон хъуыддаг

Дзæгъæл куыдзæн фыдмитæ чи ракодта, уыцы закъонхалæджы æрцахстой Мæздæджы. Йæ ныхмæ районы слестгæнæн комитет байгом кодта уголовон хъуыддаг. Барадхъахъхъæнджытæ йæм уæлдай цæст дардтой, уый тыххæй æмæ Уæрæсейы кодексы 245-æм статьямæ гæсæгæ - Хæдзарон фосæн фыдмиты цауты тыххæй, у фыццаг хъуыддаг нæ республикæйы. Раздæр ма уын куыд хъусын кодтам, афтæмæй æрæджы дзæгъæл куыдзы иу æнæзонгæ саунад фæкодта. Ссардтой сæ Юбилейныйы номыл уынджы хæдзары кæртытæй иуы. Фыдгæнæджы рабæрæг кæныны тыххæй пъæлицæйæгтæ сарæзтой оперативон-агурæн мадзæлттæ - цыдысты хæдзары кæртытæм, фарстой адæмы æмæ агуырдтой цауы æвдисæнты. Сæ хъусынгæнинæгтæм гæсгæ, закъонхалæджы ссардтой. Уый разынд Притеречныйы хъæуы 29 аздзыд цæрæг. Юрий Чурсин, Уæрæсейы мидхъуддæгты министрады Мæздæджы районы уголовон агурды хайады разамонæг: «Закъонхалæг йæ аххосыл басаст. Ныртæккæ рæстæгмæ бады изоляторы. Уæрæсейы уголовон кодексы 245-æм статьямæ гæсæгæ «Хæдзарон фосæн фыдмиты ракæнды тыххæй», Притеречныйы хъæуы цæрæгмæ æвзиды суанг ахæстоны фæбадыны тæрхон, 5 азы онг. Кæронбæттæн уынаффæ хъуамæ рахæсса тæрхондон». _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv