Хицауады хæдзары æрдзырдтой æвастиаты службæты цæттæдзинадыл

Бæрæгбоны мадзæлттæ республикæйы районты ацыдысты æнæ къуылымпытæй. Мидхъуыддæгты министрад æмæ æнæнхъæлæджы цауты министрады регионалон управленийы специалисттæ куыстой сæрмагонд фæткмæ гæсгæ. Уæлдай æргом здæхт цæуы коронавирусы уавæрмæ, зынгсирвæзтыты ныхмæ æдасдзинады мадзæлттæм æмæ цæрджыты донивылдтытæй бахъахъхъæныны цæттæдзинадмæ. Уый тыххæй фехъусын кодта хицауады сæрдары хæдивæг Томайты Ирбег. Мæздæджы районы 9-æм майы æвзæр боныхъæды аххосæй аскъуыдысты электрон тыхы телтæ. Советское хъæу æнæ донæй баззад, Хурыхъæу та æнæ электрон тыхæй. Сергей Меняйлойы ныхæстæм гæсгæ, æвæстиаты службæты цæттæдзинад хъæуы фæхуыздæр кæнын. Социалон ахадындзинад кæмæн ис, уыцы бæстыхæйттæ хъуамæ ифтонггонд уой уæлæмхасæн тыхдæттæн фæрæзтæй. Ныхас цæуы рынчындæттæ, ацæргæ адæмы хæдзæрттæ, рæвдауæндæттæ æмæ скъолатыл. Дзуапдæттæг кусæнддæттæн лæвæрд æрцыд сæрмагонд амынддзинæдтæ. Бæрæгбæтты рæстæг чи куыста, уыцы службæтæн Сергей Меняйло арфæ ракодта. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv