Цæгат Ирыстоны хицауады уæнгтæ æрдзырдтой республикæйы ахсджиаг фарстатыл

Зын экономикон уавæрты республикæйы промышленнон куыстуæттæн баххуыс кæндзысты. Уый тыххæй ныхас цыд Хицауады æмбырды. Амыдта йæ премьер Дзанайты Барис. Куыд фæнысан кодтой, афтæмæй сæрмагонд программæйæн фæрæзтæ рахай кæндзысты федералон бюджеты уæлæмхасæн фондæй. Республикæйы куыстдæттыны комитеты сæрдар Платы Альбинæ куыд радзырдта, афтæмæй фæрæзтæй уыдзæн кусджытæн мызд бафидæн, кæнæ куыстуæтты материалон-техникон хæрдзтæ баххæст кæнӕн, кæнæ та, кæд куыстуат уавæр хынцгæйæ, йæ архайд аива, уæд йæ куысджыты ног ахуырадæн бафидӕн. Программæйы архайæн ис 3 мæйы дæргъы. Иу адæймагæн дзы нысангонд æрцыд 18 мин 545 сомы. Хицауады æмбырды ма ныхас кодтой ковидæй рынчынты дарддæры реабилитацийыл. Айдарты Алинæ куыд радзырдта, афтæмæй фæллойы æмæ социалон рæзты министрады райстой 1 мин 500 курдиатæй фылдæр. Уыцы адæмӕй реабилитаци ныридæгæн ацыдысты 650-йæ. Хицауады æмбырды ма куыд фехъусын кодтой, афтæмæй Цæгат Ирыстоны муниципалон барадон акттæ ныр æвæрд цæудзысты электронон хуызы. Уæвгæ, муниципалон барадон актты регистрты архайд ахæм хуызмæ раивыныл куыст рагæй цæуы, сахаддзæн архайды хæрзхъæддзинадыл дæр. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv