Цæгат Ирыстонмæ ссыд Италийы кадджын консул Хуссар æмæ Цæгат Кавказы федералон зылдты

Фæстаг минутты хъусынгæнинаг. Цæгат Ирыстонмæ ссыд Италийы кадджын консул Хуссар æмæ Цæгат Кавказы федералон зылдты Пьерпаоло Лодиджиани. Хицауады хæдзары фембæлд республикæйы сæргълæууæджы хæстæ рæстæгмæ æххæстгæнæг Сергей Меняйлоимæ. Дзырдтой æмгуыстады фарстатыл, сæрмагондæй агропромышленнон, рог промышленность æмæ туризмы къабæзтыл. Сергей Меняйло арфæ ракодта уазджытæн, бузныг сын зыгъта, Беслæны теракты фæстæ Итали фæсарæйнаг бæстæтæй æппæты фыццаг нæ фарсмæ кæй æрбалæууыд, уый фæдыл. Фæнысан кодта Италийы регионтимæ æмгуыст кæнынмæ Цæгат Ирыстон цæттæ кæй у, уый. Пьерпаоло Лодиджианийы ныхæстæм гæсгæ экономикон ахастдзинæдтæ хъæуы фидардæр кæнын. Дыууæ бæстæйы архайынц хъæууон-хæдзарад æмæ дыргъдæтты куысты. Цæгат Ирыстоны ис дыргъдоны хорз проект «Казачий хутор» зæгъгæ. Фидæны уыцы куыстуат хъуамæ суа регионы раззагдæртæй иу. Уымæн арæзт цæуынц æппæт фадæттæ дæр. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv