Хъусæй чи нæ хъусы, уыцы фæсивæдæй арæзт командæ «Алания»

«Алания» командæ фæзынд дыууæ минæм азы. Архайы дзы хъусæй чи нæ хъусы, уыцы фæсивæд. Рæстæг куыд цæуы, афтæ футболистты професионалон цæттæдзинад бæрзонддæр кæны. Ныртæккæ нæ бæстæйы нымад сты хуыздæр командæтæй иуыл. Арæх сыздæхынц уæлахизимæ. Æрæджыдæр та сыздæхдысты турнирæй. Арæзт уыд Адлеры. Тренер йæ командæйы архайджытæй у сæрыстыр. Футболон командæйы æрвылбоны тренеровкæ. Спортсментæ сæхи цæттæ кæнынц хъазтмæ. Ацы тренеровкæ иу хицæндзинад ис. Футболисттæ хъусæй нæ хъусынц. Фæлæ сæ уый æппындæр ницы хъыгдары ацы спорты хуызы сæ арæхстдзинадтæ равдисынæн. Архайынц бæлвырдгонд фæткмæ гæсгæ. Уый руаджы иу æмæ дыууæ хатты нæ фæуæлахиз сты. Командæйы хыгъды ис æцæг чемпионтæ. Уыдон сæ размæ æвæрынц бирæ хæстæ уæлахизы фæндагыл цæуынмæ. Бакланов Олег, размæ бырсæг: «Футолы архайын райдыдтой 8 аздзыдæй. Мæхи фæлвæрдтон Гуырдзыстоны. Уый фæстæ бахаудтæн ацы командæмæ. Ацы командæйы руаджы мын фадат фæзынд Уæрæсейы иугонд командæйы хъазынмæ. Хуыздæр размæ бырсæгыл мæ фыццаг хатт нæ банымадтой. Уый æз нымайын стыр æнтыстдзинадыл. Æрмæст мæхицæн нæ, фæлæ ма командæйæн дæр. Ныртæккæ нæхи цæттæ кæнæм дунеон чемпионатмæ. Турнир уыдзæн Швецарийы. Уый фæстæ та райдайдзæн олимпиадæ». «Алания» командæ фæзынд 2000 азы. Уæд хъусæй чи нæ хъусы, уыцы фæсивæд архайдтой æнæниз чи у, уыцы спортсментимæ иумæ. Уым сыл йæ цæст æрæвæрдта тренер Берозты Эрик. Уый йæ ныфс бахаста ахæм футболисттимæ архайын. Ныртæккæ командæ нæ бæстæйы нымад у хуыздæр командæйыл. Ныридæгæн сæм ис 6 уæлахизы нысаны. Фæстаг турнир уыд Адлеры. Тренер йæ рæзгæ фæсивæдæй у сæрыстыр. Тренер ма куыд зæгъы, афтæмæй футболисттимæ архайын æнцон хъуыддаг нæу. Лæппутæ йæ сæхæдæг дæр æмбарынц. Цæмæй хъазт куыд æмбæлы афтæ ацæуа, уый тыххæй ацы фæсивæды фылдæр фыдæбон кæнын хъæуы. Уыдон сæ ныхмæлæууæджы нæ хъусынц, Пурти куы ныккуырой уæд дæр æй нæ бамбардзысты. Хъазты рæстæг сæ тренер кæрæдзийæн истытæ амонын нæ уадзы. Уымæн æмæ сæ уый хъазгæ хъазын хъыгдаргæ кæны. Уыимæ ма сæм иу фиппайнаг дæр ис. Командæйы фæсивæдæй дзы фыццаг бонæй нырмæ чи архайы, уыдон куыд зæгъынц, афтæмæй командæмæ ног спортсментæ арæх æрбацæуынц. Фæлтæрджын спортсментæ сын æххуыс фæкæнынц. Фæсивæд кæрæдзиимæ сты хæлар, кæд сын кæрæдзийы æмбарын зын у, уæддæр. Футболон фæзы та сæйрагдæр у кæрæдзийы æмбарын. Косты Аркадий,тренер, «Алания»-йы иугонд командæйы капитан: «Тренеровкæтæм цæуæм. Нæ командæ у æнгом æмæ хæларзæрдæ. Ныридæгæн уал 6 хатты фæуæлахиз стæм. Бузныг дæн спортсментæй, æнгомдзинад нæм кæй ис, уый тыххæй. Фæсивæд хъусынц тренермæ. Уый мæнмæ гæсгæ сæйрагдæр у, цæмæй размæ æнтыстджынæй цæуæм». Мисунов Леонид: «Арæх кæрæдзимæ фæбыцæу вæййæм. Æнæ уымæй дæ куыд? Фæлæ уæддæр кæрæдзийы æмбарæм, нымайæм. Кæрæдзийы бафæрсæм куыд хуыздæр бакæнæм, уымæй». Тренеры ныхæстæм гæсгæ командæ тыхджын у. Архайы дзы 20 спортсмены. Алчи дæр сæ хъазы бæрзонд æмвæзадыл. Фæлæ сæм хъæуы фæкæсын. Футболон клуб "Алания"-йы руаджы фæсивæд ницæмæй тыхсынц. Ис сын сæхи футболон базæ. Уымæ гæсгæ футболисттæ. Уæрæсейы чемпионтæ