Бухорода ҳашарчи талаба фожиали ҳалок бўлди HD

Бухородаги Юқори технологиялар инженер-техник институтининг 3 курсида ўқиётган қашқадарёлик Умид исмли талаба 22 октябр куни кечқурун фожиали ҳалок бўлди. Овозини эшиттирмаслик шарти билан Озодликка гапирган нефт-газ муҳандислик факултети талабасининг айтишича, бу воқеа талабалар пахтадан қайтаётган пайтда содир бўлган: - 22 октябр куни талабалар пахтадан қайтишаётган бўлган. Терим кечгача давом этгани учун қайтишда қоронғи бўлган. Умид йўл четида қулоғига наушник тақиб, қўшиқ эшитиб келаётган бўлган. Орқадан фаралари йўқ трактор келиб босиб кетган. Тракторчи қоронғида уни кўрмай қолганда. Бола ўша ерни ўзида жон берган. 23 октябр куни Қашқадарёдан ота-оналари келиб Умидни олиб кетишди,- дейди исми сир қолишини сўраган талаба йигит. Бухородаги Юқори технологиялар инженер-техник институти ректоратининг ўзини таништирмаган ўқитувчиси шундай воқеа бўлганини тасдиқлади, бироқ у воқеа тафсилотларини очиқламасликни маъқул кўрди.