Æнæниздзинады æппæтдунеон бон

Дзæуджыхъæуы Цæгат Ирыстоны медицинон профилактикæйы центр сарæзта æхсæнадæн пайдайаг мадзал Сабырдзинады проспектыл. Адæмæй кæй фæндыд, уыдонæн сбарстой сæ туджы `лхъывдад, сбæлвырд сын кодтой, сæ туджы сæкæр цас ис, стæй ма сæ къухты хæцъæфты цас тых ис, уый. Специалисттæ пайда кодтой нырыккон кусæгæрзтæй - компьютерты фæрцы. Зæгъын хъæуы уый, æмæ ацы мадзал арæзт уыд æнæниздзинады æппæтадæмон бонмæ. Снысан æй кодтой 1948-æм азы. Уæдæй нырмæ цы `гъдау ныффидар, уымæ гæсгæ йæ бæрæг кæнынц апрелы. Мадзалы сæйрагдæр хъуыдымæ гæсгæ, æнæниздзинады аккаг алчи дæр у. Ис ын стыр ахадындзинад. Специалисттæ ма радон хатт фæсидтысты адæммæ, цæмæй се `нæниздзинадмæ куыдфæндыйы цæстæй ма кæсой. Уæвгæ, низ рагагъоммæ сбæрæг кæнын йе сдзæбæх кæнынæй æнцондæр у. Хорз уый у, æмæ нырыккон кусæнгæрзты фæрцы низ йæ тæккæ райдиан раиртасæн ис. Æппæты сæйрагдæр та у зæрдæ, тугдадзинтæм стæй нервыты системæмæ æмæ стджыты уавæрмæ цæст дарын. _ Мы рядом в: vk.com/irystontv instagram.com/irystontv Telegram: t.me/irystontv youtube.com/irystontv twitter.com/irystontv