Æппæтуæрæсеон адæмон фронт бахатыд, цæмæй Мæздæджы амбулаторийтæ сцалцæг кæной

Æппæтуæрæсеон адæмон фронты цæгатирыстойнаг уæнгтæ бахатыдысты æнæниздзинад хъахъхъæнынады министрадмæ, цæмæй Мæздæджы районы цы амбулаторитæ ис, уыдон цалцæггонд æрцæуой. Æппæтуæрæсеон адæмон фронты уæнгтæ медицинон кусджытимæ æмæ журналисттимæ бабæрæг кодтой Виноградны, Троицки, станица Терская, Дæллаг Малгобек æмæ Киевское хъæуы амбулаторитæ. Сæ фылдæр хай кусæндæттæн æрцыд заууат уавæрмæ. Зæгъæм Виноградныйы хъæуы амбулаторийы къулты сæрстытæ згъæлынц, фæзынд дзы хъуына. Терскæйæйы амбулаторийы хæдзары сæр хъæуы баивын, у хуынчъытæ æмæ дзы дон хъары. Хъæугæ медицинон ифтонгарзæй цух у Троицкийы хъæуы дзæбæхгæнæндон, рудзгуытæ, дуæрттæ æмæ пъол дзы æмбыйынц. Йе нæниздзинад хъыгдард кæмæн у, уыдонæн нæй æмбæлгæ уавæртæ. Бындуронæй сцалцæг кæнын хъæуы Дæллаг Малгобекы амбулатори дæр. Рейды архайджытæ бæстонæй аныхас кодтой бынæттон цæрджытимæ. Байхъуыстой сæ хъæстытæм. Адæмон фронты æххæстгæнæн комитеты сæргълæууæг Гæлиты Климы ныхæстæм гæсгæ ахæм рейдытæ сарæзтой республикæйы иннæ районты дæр. Æппæт хъæндзинæдтæ аиуварс кæныныл æмгуыст кæнынц республикæйы профилон министрадимæ. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv