Цæгат Ирыстоны дарддæр цæуы цæрджыты вакцинаци

Цæгат Ирыстоны дарддæр цæуы вакцинаци. Прививкæ скæныны фадат ис Ирыстоны æппæт районты дæр. Уый тыххæй рагацау хи ныффысын хъæуы терапевтмæ. Тагъд æххуысы клиникон рынчындоны медицинон кусджытæ дæр тæссаг низæй сæхи бахъахъхъæдтой. Тагъд æххуысы клиникон рынчындоны медицинон персонал пандемийæйы райдианæй фыццæгты ’хсæн тох кодта коронавирусы инфекциимæ. Афæдзмæ сдзæбæх кодтой цалдæр мин адæймаджы. Бирæтæ дзы сæхи тæссаг низæй афтæ дæр нæ бахъахъхъæдтой. Дыккаг хатт цæмæй ма фæрынчын уой, уый тыххæй сæ фылдæр сфæнд кодтой сæхицæн прививкæ скæнын. Прививкæйы размæ пациентмæ æркæсы терапевт. Прививкæ скæнынæн хъæуы дохтыры æркаст ацæуын. Адæймагæн йе ’нæниздзинады бæрæггæнæнтæ зæрдæхсаинаг куы нæ уой, уæд ын прививкæ скæныны бар ис. Фыццаг уал скæнынц вакцинæйы иу хай, дыууæ къуырийæ фæстæ та - дыккаг. Абоны онг вакцинаци ацыд 15 мин адæймагæй фылдæр. Вакцинацимæ хи ныффысæн ис, 18 азы кæуыл сæххæст, уыдонæн се ’ппæтæн дæр. Хи бафыссæн ис Паддзахадон лæггæдты порталы, колл-центры æмæ поликлиникæйы регистратурæйы дæр. Уый фæстæ райсæн ис талон. Уым фыст уыдзæн, прививкæ кæд æмæ кæм кæнгæ у, уыцы хъæугæ информаци. Брытъиаты Феликс _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv