Владимир Путин, Уæлахизы 75-æм азы юбилейы фæдыл, бафыста бардзырд

Уæрæсейы президент Владимир Путин, Уæлахизы 75-æм азы юбилейы фæдыл, бафыста ног бардзырд. Баст у, Фыдыбæстæйы Стыр Хæсты ветерантимæ, йе ’нæниздзинад хъыгдæрд кæмæн у æмæ ма ахæм категоримæ чи хауы, уыдонимæ. Иу хаттæн сын бафиддзысты 75 мин сомы. Хæсты рæстæг чи фыдæбон кодта, уыдонæн та 50 мин сомы. Уый тыххæй сæрмагонд бардзырд равæрдтой Кремлы официалон сайты. Уымæ гæсгæ, æмбæлгæ фиддонтæ фыст æрцæудзысты ацы аз, апрелæй-маймæ. Уый хауы, Уæрæсейы Федерацийы æппынæдзух чи цæры, уыдонмæ, стæй Латви, Литва æмæ Эстонийы республикæты цæрæг ветерантæм. Уыймæй уæлдай ма æхцайы фæрæзтæй рахай кæндзысты кусынхъом чи нæу, ахæм адæймæгтæн: уыдонмæ хауынц концлагер æмæ, Фыдыбæстæйы Стыр хæсты рæстæг фашисттæ се ’мцæдисонтимæ тыхахстæй адæмы кæм дардтой, уыцы бынæтты чи фæци, ахæмтæ. Бардзырд ма хауы, Финляндийы, Японы хæсты æмæ Фыдыбæстæйы Стыр хæсты рæстæг идæдзæй цы хæстонты бинойнæгтæ баззад, уыдонмæ. 50 мин сомы та бафиддзысты, Фыдыбæстæйы Стыр Хæсты рæстæг тохы фæсчъылдым 6 мæйæ фылдæр чи фыдæбон кодта, уыдонæн. Уый бæрц ма бафиддзысты, хæсты рæстæг æнахъом карæй ахæстоны æмæ нацистон концлагерты чи фæци, уыдонæн. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv