Уæрæсейы хицауад снысан кодта, банктæй æфстау æхца чи райста, уыдонæй сæ фиддонтæ аргъæвæн кæмæн ис

Уæрæсейы хицауад снысан кодта, банктæй æфстау æхца чи райста æмæ уал сæ фиддонтæ фæстæдæрмæ аргъæвæн кæмæн ис, уыдоны номхыгъд. Ног фæтк хаудзæн, ацы азы 1-æм мартъийы агъоммæ адæм цы кредиттæ райстой, уыдонмæ. Фиддонтæ аргъæвæн уыдзæн 1 мæйæ 6 мæйы `мгъуыдмæ. Цæмæй ног фæткæй спайда кæнай, уый тыххæй хъуамæ хуымæтæг адæймагæн йæ кредит 300 мин сомæй фылдæр хъуамæ ма уа. Хæдбар амалхъом адæймаг чи у, уыдонæн та - 350 мин сомæй фылдæр. Кредитон картæтæ кæмæ ис æмæ дзы 100 мин сомæй фылдæр чи нæ дары, уыдонæн дæр ис сæ фиддонтæ аргъæвæн. Хæдтулгæ райсыны кредит чи райста, уымæн та йæ хæс хъуамæ уа 710 мин сомæй къаддæр. Фиддонтæ фæстæдæрмæ ахæссæн ис ипотекон кредитты дæр. Мæскуыйы цæрджытæ афтæмæй хæсджын хъуамæ уой 6 милуан сомæй къаддæр, Мæскуыйы, Санкт-Петербург æмæ Дард Хурыскæсæны регионты - 4 милуан сомæй къаддæр. 3 милуан сомæй фылдæр та сæ хæстæ хъуамæ ма уой Уæрæсейы иннæ регионты цæрджытæн. Фиддонтæ фæстæдæрмæ аргъæвыны курдиат бадæттæн ис ацы азы 30 сентябрмæ, кæд æмæ адæймагæн йæ рæстæмбис æфтиæгтæ 30 проценты бæрцы фæкъаддæр уой раздæры азтимæ абаргæйæ, уæд. Бафтаудзыстæм ма уый, æмæ амынд фæтк хицауад сфидар кодта адæммæ санкциты рæстæг фæкæсыны тыххæй. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv