Майрæмы мæйы 5 бон у УФ-йы Президенты Нысанты равзæрды бон

5-æм августы 1996-æм азы Уæрæсейы бæлвырдгонд æрцыдысты президенты сæрмагонд нысантæ. Ныффидар сæ кодта Уæрæсейы уæды президент Борис Ельцин. Сæрмагонд документы фыст ис, куыд, цæмæн æмæ цы хуызы пайда кæнын хъæуы официалон нысантæй. Уыдон сты: Уæрæсейы президенты тырыса, Президентæн хицæнæй конд сæрмагонд нысан æмæ президентæн сæрмагонд джиппы уагъд Уæрæсейы Конституци. Тырыса конд у цыппаркъуымоны хуызы, йæ хуызтæ, алчи кæй зоны, уыдон - урс, цъæх æмæ сырх. Йæ кæрæттæ сты сызгъæрин нывæфтыдтæй аивгонд. Астæуæй та йыл ис паддзахадон гербы сыгъзæрин ныв, «Конституция Российской Федерации», зæгъгæ, фыстимæ. Президенты ном бæрæггæнæн конд у рæхыс æмæ нысанæй. Нысан у «Фыдыбæстæйы цур сгуыхтыты» 1-аг къæпхæны ордены халдих - сызгъæрин дзуар фæтæнгæнгæ кæрæттимæ. Йæ сæйраг фарс аивгонд у лалджын цъарæй. Йæ астæу та йын фенæн ис Уæрæсейы Федерацийы гербы ныв. Президенты Конституцийы экземпляр æддæрдыгæй арæзт у вараны цъарæй. Æппынæдзух æвæрд вæййы Президенты чиныгдоны. Рахæссынц æй æрмæстдæр президенты инаугурацийы рæстæг. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv