Хъахъхъæнынады министрады расидтысты, хæсты архайджыты хъæбатырдзинады тыххæй адæмæн радзурыны акци

Цæмæй Фыдыбæстæйы Стыр хæсты хъайтарты нæмттæ рох ма уой, уый тыххæй хъахъхъæнынады министрады расидтысты, хæсты архайджыты хъæбатырдзинады тыххæй адæмæн радзурыны акци. Схуыдтой йæ «Дорога памяти». Цæгат Ирыстоны цæрджытæн дæр сæ бон у проекты бацархайын. Баххуыс сын кæндзæн Уæрæсейы пост. Уым 17-æм февралæй 31-æм маймæ исдзысты Фыдыбæстæйы Стыр хæсты архайджыты къамтæ. Хуызистытæ равæрдзысты проекты официалон сайты. Æрмæстдæр посты дæлхайады бафыссын хъæудзæн хæсты архайæджы тыххæй информаци. Æфсæддон цауты архайæджы къамтæ сайтмæ бахæссæн ис хи æгъдауæй дæр. «Дорога памяти» у хæсты архайджыты тыххæй иу сæрмагонд сайт. Сæ хъæбатырдзинад хъуыды кæнгæйæ, Уæрæсейы гæрзифтонг тыхты сæйраг аргъуаны фæзындзæн хъайтарты нæмттимæ мемориал. «Ацы проект тынг ахсджиаг у. Йæ сæйраг нысан - Фыдыбæстæйы Стыр хæсты архайджыты ном сæнусон кæнын. Уымæн æмæ къамтæ сты уыцы рæстæджы дæнцæг. Уыдоны æвдыст цæуы нæ фыды фыдтæ æрыгонæй хæстмæ куы цыдысты, уый тыххæй информаци. Мах фæнды хуызисттæ сног кæнын, цæмæй рох ма уой», - Уæрæсейы Посты бпстдзинады федералон управленийы сæйраг специалист Чеджемты Иннæ. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv