Æгуыст адæмæн паддзахадон фиддонтæ нысан кæныны фæтк аивта

Æгуыст адæмæн паддзахадон фиддонтæ нысан кæныны фæтк аивта. Ныр фылдæр цæрджытæн ис ацы æхцайы фæрæзтæ райсыны фадат. Зæгъæм, куыстуат йæ архайд кæй баурæдта, кæнæ, йæ фæллойгæнджыты нымæц кæй къаддæр кæны, уый аххосæй йæ куысты бынат чи фесæфта, ахæмтæн. Дзуапдæттæг ведомствæйæ куыд хъусын кæнынц, афтæмæй ныртæккæ æгуыст адæмæн паддзахадон фиддоны æппын фылдæры бæрц у 12 мин æмæ 130 сомы. Йæ æппын къаддæр бæрц та у 1 мин æмæ 500 сомы. Цæмæй адæймаг ахæм хуызы æххуыс паддзахадæй иса, уый тыххæй йæ хъæуы регистраци скæнын куыстдæттыны центры. Фыццаг 3 мæйы уал исдзæн рæстæмбис нымадмæ гæсгæ мыздæн йæ 75%. Фæлæ 12 мины æмæ 130 сомæй фылдæр куыд нæ уа, афтæ. Иннæ 3 мæйы - йæ 60%, уый дæр 5 минæй фылдæр нæ. Ног фæткы руаджы æнцондæр уыдзæн æгуыст адæмæн паддзахадон фиддонтæ нысан кæнын, зæгъæм, сæ фидыны рæстæг куы аива, кæнæ адæймаг куыст куы ссара, уæд. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv